5 月 12 日 (Thu)

又搞掂左兩科......中文同經濟
兩科都唔多夠時間答 , 都係有少少唔識咁囉
好多人都話今年 d 卷易左 , 我除左中史同未考果 d 科都覺
不過都係果句易左唔等於 d 咩 , 易左又唔係一定高 grade 嘅 , 最緊要都係盡自己嘅能力去做啦
好想中文 . 數學同經濟有 C 呀 , 因為直覺中史好似炒左 , 分分鐘仲會差過舊年 , 但係考左都冇得變嫁啦 , 俾心機剩番果 d 把啦
地理---係我最鍾意但又係最無把握嘅科 , 話哂成年冇上過堂 , 又冇點自覺性溫習....都唔知點算好
希望份卷可以好似上年咁啦 , 唔好咁難呀 , 我新課程 d 野完全唔識 , 舊 syl 剩番果 d 又唔係我拿手果 d.....

之前果兩科有唔少人遲到同早走 , 乜佢哋嚟得考都唔做哂佢嫁
中文讀本呀 , 我見我左手邊果個遲入課室不但只 , 仲一坐低就訓陣先 , 之後求其做左一個鐘就走
不過佢都唔夠我右手邊果個快手 , 佢直情做完兩條閱解同唔知邊一條讀本就閃人 , 大約都係用得 9 個字
我都唔係好肯定 d 時間呀 , 鬼叫自己唔記得帶錶同個課室又冇鐘 , 勁驚唔夠時間 , 最尾都係做剩少少

我仲見到一個年紀同我阿媽差唔多嘅女人同我哋一齊考左好多科....
我哋無聊冇野做就係度估佢嚟考試嘅目的 , 我覺得佢有機會係陪個仔 / 女考會考啦
我 d 同學話見佢咁好慘 , 一把年紀仲要讀得咁辛苦 , 講真我唔會可憐佢喎 , 相反我會佩服佢 , 因為佢咁都唔會放棄 , 好有毅力
早走放棄果 d 就更應該可憐啦 , 都唔明點解佢哋唔諗狣而家俾多少少時間努力 , 將來就唔洗辛苦考多次啦

突然有 d 感慨 , 點解 d 人可以咁容易就許下一 d 承諾嫁 ? 有 d 野係可以影響終身 , 就真係可以唔洗諗清楚 ? 拜託呀唔好一時衝動就答應啦 , 知唔知你一時之快可能會搞到好多人唔開心嫁 ? 承諾係好重好重嘅責任 , 麻煩你真係承擔得起先好答應 , 我討厭一 d 不顧後果同空泛嘅承諾丫~~

5 月 9 日 (Mon) 數字人生....滂沱大雨

電話響...一起身睇鬧鐘....shit 07:42
求期擦牙 . 洗臉 . 執齊野做飛落去等車
等左一陣都唔見...放棄 , 截的士吧
跑去的士站途中 , 為閃避一架單車 , 擦損左幾隻手指同膝頭哥~

的士司機呀你唔識路 , 唔該早同我講 , 我截過第二架
唔好帶我遊花園同氹氹轉啦 , 等我一路坐一路驚 , 仲要幫手帶路
落車之後仲有排行...人搭的士 , 我搭的士......唉.....

好在都冇遲到 , 唔係我一定殺左個司機
卷一 ...一路寫字 , d 手指一路痛...
忍忍忍...乙部我居然識做...好開心...係甲二有 d 唔識啦
放 break , 打電話互相報告 , 噢今朝又會個個都要搭 taxi

考卷二前都係忍唔住要問人攞膠布 , 幸好頭先去左 restroom 洗傷口
貼完又繼續做卷 , 人衰起開真係有條路 , 部計數機好似壞壞地
計得好慢呀我 , 明明知答案 , 又會睇錯野 , 搞到冇哂 D 時間 >.<
做做吓 , 出面好大雨喔 , 又有行雷聲 , 忽然 D 燈光一閃
全部人向上望 , 隔左陣突然又有 d 細路笑聱唔知係邊度走出
愈聽愈心寒 , 唔理得咁多 , 我已經唔夠時間做
最尾 5 mins 先將 d 答案填上去張 mc sheet , 好多都係撞 , 唔知可以岩幾多呢~

放....勁大雨 , 心急出門冇帶遮....
只好冒雨狂奔 , 都係濕哂 , 身上冇一野係乾嘅 , d 頭髮仲識滴水...冇奈
今朝俾人"dum" 哂我 d 的士 $ , 而家冇得飛的 , 只好等巴士
又望住佢走 , 下架又飛站 , 姐係迫人去搭地鐵啦~.~
行好遠...又落雨...慘...唔好意思...累月月苦等
陪佢去做 d 野 , 之後再一齊食飯 (下午茶先啱)

有機會去做野應唔應該去試吓呢 , 仲諗緊心大心細......
算啦....都係考完先算....天日到中文 , 又係去今日間死人野考
天日一定要早 d 起身 , 再飛的 , 我冇 $ 食飯啦~

5 月 4 日 (Wed) 有驟雨又有陽光　天氣開始炎熱

今日 , 終於考完中史 , 成個禮拜訓哂身落去
點知死了....果然係番炒......只好寄望中文

個腦仲係有好多蔣介石 , 袁世凱 , 中日抗戰 , 八路軍 , 文革 , 五四運動 , 三反 , 五反 果 d 現代史嘅惡夢 , 揮之不去~

上年衰現代史 , 今年就衰清同古史.........唉.........................

考完餓死了 , 一大班人去食日本野 , 一路食一路傾答案 , 愈傾愈食唔落 =.=

嗶 , 今日間學校再遠呀 , 仲要俾人呃左去行斜坡 , 險些誤了點
幸好跑了跑 , 跑了跑才趕得上 , 出了一身汗

睡得不好 , 一早起身溫書 , 愈做愈肚餓 , 加上又唔識 , 唔知會得出咩結果 , 我拭目以待 ~